السلام عليكم و رحمة الله و بركاته ...
اليوم يبت لكم موضوع يمكن يكون "انتريستينج" شوي ...
هو بصراحة كان واصلني كايميل و أنا حبيت انزله عشان تعرفون معاني أساميكم ..
السالفة و ما فيها معاني الأسماء حسب علم النفس ..
..+ أول شي أسماء الشباب +..
أحمد : طيب القلب ، قد يغفر لك اكبر أخطائك في حقه .. دمه خفيف و رزين عند اللزوم .. يهتم بمظهره كثيرا ..
إبراهيم : خلوق ، بار بوالديه ، يحب أخوانه وأخواته كثيرا وعطوف بهم ..
بدر : اسم على مسمى .. خير ملجأ عند الأزمات بدونه تضيع كما يضيع الإنسان في الليلة الظلماء وجوده ينير لك دربك ...
جاسم : شخصية محبوبة .. قائد بطبيعته .. المهم لديه الفعل لا القول ..
حمد : إنسان تثق به ، إذا حبك تضحك لك الدنيا.. يقف معك في الأزمات ماديا ومعنويا ..
خليفة : إنسان رائع ، غالبا ما تكون به بقايا طفولة يحن لها ، حنون مع الأطفال ( زوج مثالي ) غير انه لا يستطيع أن يقاوم أصحاب العيون الكحيلة <<< قصدي البنات ..
خالد : ماهر جدا في إخراجك من حزنك ، ذويق جدا في كل شيء أسلوبه مميز في الحديث ، يحب ويهتم بالكشخة ...
عبد الله : طيب جدا ، مخلص ووفي مهما طال الوقت والفراق .. بس فيه شويه عند تخرب عليه ..
عبد العزيز : يحب طلعات البر و الحدائق ، تقريبا مستبد برايه لا يحب إن يقول له احد أنت غلط بل هو الصح .. دائما مجنن كل الناس بجماله..كشخة ورزة وغالباً يكون ولد عز..
عبد الرحمن : يزداد وزنه كلما كبر ، دمه خفيف .. يشغل باله بالتفاصيل .. مسالة الإخلاص عنده نسبيه قليلا ..
علي : إنسان مريح في التعامل معه ، لكن! مع أسرته فيه شويه عصبية .. تنبيه : لا تقرب صوبه وهو معصب نهائيا ..
عيسى : طيب وحبوب و يدخل القلوب غير انه غير ماهر في الاحتفاظ بالصداقات كثيرا .. غالبا ما يكون ذو عقليه تجارية ..
عادل : يحب يعرف غلاته عندك لذلك غالبا ما يحاول معرفة هل الشيء سواء بالسؤال المباشر أو حتى بافتعال المشاكل ليرى ردة فعلك ..
سلطان : محبوب من الفتيات ، مهمل قليلا في الدراسة وربما العمل .. يحب الرياضة كثيرا ومخلص للنادي الذي يشجعه ..
سيف : شخصية جادة .. يحب التفلسف ، مستحيل تطلع منه شيء غصب عليه ،( يعني ما تقدر تقص عليه بكلمتين) أفكاره غالبا ما تكون قديمة ، ولكنه غالبا شاطر وناجح في عمله ودراسته .
سعيد : وسيم ، غالبا ما يكون شاعرا أو يهوى الشعر ويتفوق في المجال الذي يحبه .. لكنه يحب يبين مسكين ويكسر الخاطر مع انه ابعد الناس عن هالشيء ..
صالح : إنسان حساس ، ذوقه ممتاز عند اختيار الهدايا ، يضحي بنفسه في سبيل أسرته ومن يحب ، يتغاضى كثيرا عن الأخطاء ، ما يحب يغلط على حد .. بس عنده أحساس بأنه أفضل من الجميع ..
راشد : غيور في علاقاته العاطفية لا يحب الخيانة ويخاف منها متطلب كثيرا ..! ولا يرضى إلا بالأفضل وغالبا ما يحصل عليه ..
فيصل : به شويه ثقل دما ولكن وسيم غالبا مغرور جدا حتى لو حاول يبين العكس وفيه شويه طول
فهد : شخصية قويه جدا يحب التمسك بالأصالة يتبع العادات والتقاليد في معظم تصرفاته
محمد : طيب متسامح غالبا لكنه لا ينسى يعني اذا غلطت بحقه لا تستغرب اذا عقب 5 سنوات جاك و قالك! تذكر يوم تسوي كذا وكذا
مبارك : ذكي جدا متى ما بغى مخلص جدا في علاقاته وحبه لا يحب القيل والقال رومانسي جدا وهو إنسان على قدر المسئولية .
نواف : مملووووووح وحلوووووووو ويلبس نظ! ارات ورومااااااانسي مررررررره..!!!!!
يوسف : جاذب أنظار الفتيات .. به وسامه ويحب أن تكون سيارته كشخه وآخر موديل ونفس الشيء لكشخته .. بس به شويه حرص ...
..+ الحين أسماء الحلويين <<< أقصد البنات .. خخخ +..
ابتسام : رزينة .. و ثقيلة .. و خدومة .. بس عقدتها أنها شينه
أمل : طيبة قلب .. و تفكر ألف مره قبل ماتقرر بشي
أحلام : قوية شخصيه .. ذكيه .. خدومه .. و دايم تحلم و تخطط حق المستقبل عندها طموووح
أسماء : هاديه و علطوووول ساكته .. و مخلصه .. بس غامضه
ايمان : طيبة قلب .. يحبونها اللي حولها .. مشكلتها انها ماتعرف تعبر عن حبها .. و! تحس ان مافي حد يفهمها
بدور : مثل اسمها حلوه و مزيونه و خجوله .. بس ياويلك منها اذا سويت فيها شي
بشرى : تحب تثبت نفسها .. ذكيه .. تحب الناس .. غامضه
بدريه : ثقيله و رزينه .. وكتووووووومه .. يعني اذا قلتلها سر .. تظمن سرك في بير.. بس ثقيلة دم
بسمه : إنسانه ذكيه .. شخصيتها قويه .. ما تحب اللف و الدوران .. إذا حست ! أن في إنسان بيغلط عليها .. تفرش خامسينه بالأرض
تهاني: خفيفة دم و من خفة دمها أحيان تظن انها مرجوجه .. حذره في تعاملها مع الناس
جميله : ذكيه .. ! و جريئه .. و الواحد يعتمد عليها .. مشكلتها انها ماتقدر تمتنع عن الحش
حنان : خفيفة دم .. خدومه .. مخلصه .. و مطيعه .. بس أحيانا تصير أنانيه بشكل فظيع
حصه : قوية شخصيه .. محبوبه .. بس للأسف مالها حظ .. دايم مقروده
خلود : طيبة قلب .. شخصيتها قويه .. محبوبه من الجميع .. دلوعه .. وراسها يابس
خديجه : خدوووومه .. و تحب الناس .. و قلبها طيب .. ماتحب الحش .. و تتعامل مع الناس بطيبة قلب .. بس اذا غلط عليها أحد توريه نجوم الظهر
دلال : .حلوه و جذابه .. بس مشكلتها انها ضعيفة شخصيه
دانه : أهلها يمووووتون فيها .. دلوعه .. و حلوه ولسانها طويل
رشا : ياحليلها .. طيبة قلب .. و دمعتها دايم على خدها .. عاطفيه .. بس ياويل من يغلط على أحبابها
روان : دلوعه .. و محبوبه .. بس دايماً تكون ضايعه في الطوشه يعني ماتدري وين الله حاطها
رقيه : مخلصه في شغلها .. ماتحب اللي يلعب بذيله .. متحفظه .. وماتحب اللعب و اللف و الدوران
ريم : طيبة قلب .. و خدومه .. و على نياتها .. مطيعه .. تحب الناس .. بس مقروده مالها حظ
رانيا : دلوعه .. ويعتمد عليها .. بس مشكلتها انها ثقيلة دم
زينب : حلوه و مزيونه .. و لها شخصيه قويه .. خدومه .. و تحب تعبر عن مشاعرها بطلاقه .. و راسها يااااابس
سماح : وفيه .. وحبوبه .. و تفكر بعقلها قبل قلبها في الامور العاطفيه .. بس للأسف انها مقروده مالها حظ
سلوى : قلبها طيب ..مطيعه و خدومه .. و حلوه و مزيونه .. دلوعه .. بس للأسف مالها حظ
سعاد : شاطره و ذكيه .. بس شرانيه
ساره : محبوبه .. ذكيه .. طموحه .. عنيده ..و مزعجه
شريفه : خفيفة دم .. تحب صديقاتها .. و الناس تحبها .. بس وقت الجد جد .. ماعندها مزح و كلام فاضي .. ( عسكريه )
شوق : رقيقه.. و تحب تثبت نفسها .. خواااافه
عبير : مجتهده و شاطره .. و حبو به و دلوعه .. غامضه .. بس مشكلتها انها متهوره
عايشه : شاطره .. صبوره .. مخلصه .. اذا حبت أحد تحبه بجنون .. بس مشكلتها انها تمشي ورى هواها
العنود : شخصيه قويه .. مزيونه .. محبوبه .. لها شعبيه كبيره .. و ذكيه .. طموووحه .. و ياويل من يتجرء يغلط عليها
لمياء : محبوبه .. تحب تبني صداقات .. و دلوعه .. و ياويله اللي اذا طلبت منه شي و لا جابه لها
ليلى : شخصيه قويه .. ذكيه .. حبوبه . تحب المزاح .. لكنها مزعجه
منيره : واضحه .. ماتحب اللف و الدوران .. صريحه .. و أم حنون .. بس لسانها طويل
منال : هاديه .. و حلوه . ودلوعه .. وواثقه من نفسها .. بس انها مغروره
مريم : طيبه و على نياتها .. عاطفيه .. و مندفعه .. تحب الحش<<< مب كلهم طبعا
منى : هاديه .. و رزينه .. ذكيه .. و تحب المظاهر
مشاعل : محبوبه .. تحب بناء صداقات .. لكنها غامضه
نوره : شخصيتها قويه .. ذكيه! .. و شاطره .. تفكر بعقلها في الأمور العاطفيه .. تحب تزيد ثقافتها .. صريحه ماتعرف تجامل .. مشكلتها انها ماتعرف تعبر << صدقت
نوف : تحب بناء الصداقات .. تحب المغامرات ..! . تحب التراث .. لكن يا حبها حق الحش <<< حرام مب كل النوفات جيه ..
نوال : شخصيه قويه .. محبوبه .. و تحب الناس .. مطيعه .. و عنيييييييييده
ناديه : شخصيت! ها قويه .. و تحب تثبت نفسها .. تعتمد على نفسها .. وماتحب تغامر بشي .. تفكر مليون مره قبل ماتسوي أي شي
هدى : شخصيه قويه .. يعتمد عليها في أصعب المواقف .. خدومه .. لكنها غامضه ... و تحب الحش
هناء : على نياتها .. تتصرف حسب مايملي عليها عاطفتها .. بدون تفكير .. ذكيه .. خدومه ..
هند : عاطفيه .. ذكيه و شاطره .. اذا حبت شي تحب تمتلكه لحالها .. غيووووره
هنادي : شخصيه قويه .. تحب الدلع و المظاهر .. ذكيه .. ومحبوبه من الجميع
وفاء : شاطره و ذكيه .. بس ياويل اللي هي تحط عينها عليه
ياسمين : قلبها طيب .. خدومه .. مزيونه .. لكنها متهوره
و السموحة طولت عليكم ...
![...+][ تعال و شوف شو معنى اسمك ][+... Icon_minitime](https://2img.net/i/fa/icon_minitime.gif){kind=icon}
السبت مايو 17, 2008 1:29 pm
