يامسندي قلبي على الدوم يطريك
ماغبت عن عيني وطيفك سمايا
هاذي ثلاث اسنين والعين تبكيك
ماشفت زولك زايرن ياظنايــــــا
تذكر حياتي يوم اشيلك وداريـــــك
ولاعـبـك دااايم وتــمشي ورايـــــا
ترقد على صوتي وحظني يدفيــك
وما غيرك أحدن ساكنن في حشايا
وليامرضت اسهر بقربك وداريك
ماذوق طعم النوم صبح ومســايـا
ياما عطيتك من حناني وبعطيك
تـكـبر وتـكـبر بـالامـل يامنـــــيا
لاكن خساره بعتني اليوم وشفيك
اخلصت لزوجه وعناني شـقايــا
انا ادري انها قاسـيـه ماتـخـليك
قـالـت عـجـوزك مااا أبيها معايا
وخليتني وصط المصحه ونا أرجيك
هاذا جزا المعروف وهاذا جزايا
ياليتني خدامتن بين أياديك
عشان كل يوم اشوفك برضايا
مشكور ياوليدي وتشكر مساعيك
ودعيلك الله دايـمـن بــالهدايــا
حمدان يا حمدان امك توصيك
اخاف ما تلحق أتشوف الوصايا
اوصيت دكتور المصحه بيعطيك
رسالتي وحـرووفهااا مـن بــكايــا
ان مت لاتبخل علي ابدعاويك
اطلبلي الغـفـران وهـذا رجــايـــا
انطر اتراب القبر بدموع عينيك
مـا عـا يـنـفـعـك الــنـدم والـنعايا
وسلاااااااااااااااااااااااااااااامتكم وسمحولنا على القصووووووووووووووور
الأربعاء فبراير 20, 2008 8:51 am
